ამერიკელი
სოულ-მომღერალი ალიშა კისი თავისი სადებიუტო ალბომის "Songs In A Minor"
გამოსვლიდან ათი წლისთავისადმი მიძღვნილ საღამოს ლონდონის სამეფო
ალბერტ-ჰოლში გამართავს. ამ ნაბიჯით კი მომღერალს სურს მადლიერება
გამოხატოს თავისი თაყვანისმცემლების მიმართ, რომლებიც ყოველთვის დიდი
სითბოთი იღებდნენ მის მუსიკას. იუბილეს ფარგლებში კისი სასაჩუქრე
კრებულსაც გამოუშვებს, რომელშიც 10 აქამდე უცნობი სიმღერა შევა. "პირველ ალბომზე მუშაობის პროცესი სასიამოვნოდ მახსენდება, ძალიან მეეჭვებოდა მისი წარმატება, რადგან ბევრი პრობლემა მქონდა, მაგრამ ხალხს შეუყვარდა ეს სიმღერები, ყველაფერი კი იმის დადასტურებაა, რომ როდესაც კარგ მუსიკას ქმნი, შეუძლებელია ოცნებები არ აგისრულდეს"-განაცხადა მომღერალმა. ამჟამად ალიშა მომდევნო დისკზეც მუშაობს, რომელიც მისივე თქმით არაჩვეულებრივი გამოდის. ამას გარდა მზადებაშია მისი პირველი მოკლემეტრაჟიანი ფილმიც, რომლის გადაღებაშიც მას მსახიობი ჯენიფერ ენისტონი ეხმარება. |