მიანმარის ღარიბულ დასახლებაში გოგონა ხელის 12 და ფეხის 14 თითით დაიბადა. ის 16 თვის არის. "ვიცოდი, რომ ჩემი შვილი მეტისმეტად პატარა დაიბადებოდა და ამის გამო ძალიან ვღელავდი. მშობიარობის დასრულების შემდეგ, ექიმს ვკითხე, ექიმო, ხომ ჯანმრთელია ჩემი შვილი? ხომ აქვს ხელი, ფეხი... ექიმმა გაოგნებული სახით შემომხედა და მითხრა, რომ ჩემს პატარას ყველაფერი აქვს და თანაც საკმარისზე მეტი," - ამბობს გოგონას დედა. ოჯახი გოგონას გინესის რეკორდებში შეყვანას ითხოვს. მათ მეზობლებიც გულშემატკივრობენ. გოგონას გინესის რეკორდებში შესვლა სავსებით რეალურია, რადგან ამ დრომდე ყველაზე მეტი თითით ინდოელი ბიჭი დაიბადა, რომელსაც ხელის 12 და ფეხის 13 თითი აქვს. მსოფლიოში ყველაზე ბევრ თითიანი გოგონას დედა ამაყობს შვილით და ამბობს, რომ იმის მიუხედავად, შევა თუ არა მისი პატარა გინესის რეკორდებში, ის უკვე ბედნიერია. |