მისი დამზადების რამოდენიმე რეცეპტი არსებობს. უმატებენ შაქარს, ვანილს, კონიაკს და სხვა საშუალებებს. მაგრამ ამგვარად შოკოლადის მუსი მძიმდება და ზედმეტ სიტკბოებას იძენს. თუკი გსურთ მიიღოთ ძალიან რბილი, ნაზი-ჰაეროვანი შოკ-მანჟე გამოიყენეთ მხოლოდ შოკოლადის, კვერცხის და კარაქის ვარიაცია. არომატების სახით კი შეგიძლიათ დაუმატოთ მცირეოდენი კონიაკი, ბეილისი, კარამელი, ფორთოხლის არომატი! დაუმატეთ არომატიზატორების სახით ან შეურიეთ სასურველი გემოს მქონდე ნახევარი ფილა შოკოლადი. შეგიძლიათ დაუმატოთ ყავა ან ოდნავ კაკაო გემოს გასამძაფრებლად. შოკოლადის მუსის დამამზადებლად ძირითად ინგრედიენტს წარმოადგენს ნამდვილი, მწარე, სუფთა შოკოლადი! რამოდენიმე რეცეპტი ამ ვიდეოში ნანახ რეცეპტში მხოლოდ შოკოლადსა და კვერცხს იყენებენ კვერცხის ცილას თქვიფავენ ცალკე, კვერცხის გულს კი გამდნარ შოკოლადს უმატებენ; შემდეგ ერთმანეთში ურევენ და მაცივარში ათავსებენ, შედეგად მიიღება შედარებით ”მწარე” შოკოლადი. სუფრაზე ნაყინთან ან ნაღებთან ერთად მიაქვთ. მეორე რეცეპტით კი ჯერ შოკოლადსა და კარაქს ადნობენ ერთად, შემედეგ უმატებენ კვერცხის გულს, აციებენ და შემდეგ უმატებენ ამოყვანილ კვერცხის ცილას. ღამის განმავლობაში აციებენ მაცივარში და შემდეგ მიირთმევენ ნაღების გარეშე, რადგან შოკოლადი უკვე განელებულია კარაქთან ერთად. უმატებენ მწარე შოკოლადის ფილის ნაფცქვენს, შესაძლოა დარიჩინი და თხილის ნატეხებიც.
უყურეთ ვიდეოს Online_ში YOUTUBE ჩვენებით: |